imagen de la noticiatodos2 16/07/2021 11:12
2021-2022 IGERIKETA IKASTAROA
IKASLE BERRIEK UZTAILAREN 27tik AURRERA EMAN AHAL IZANGO DUTE IZENA

Aurreko urteetan bezala, aurten ere Bergarako Udalari garrantzitsua iruditu zaio Bergarako neska-mutilek igerian ikastea.

Orain arte, ikaslea igeriketako ikastaroan izena emanda egon bada, plaza bermatuta izango du igeriketako maila guztiak lortu arte, salbu eta ikasleak baja eskatzen badu.

Kontuan hartuta azken bi ikasturteak desberdinak izan direla, lehentasuna eman diegu 2019-2020 ikasturtean parte hartu zuten ikasleei.

Ikasle bakoitzari bere taldea esleitzeko, bakoitzak gaur egun duen igeriketa maila ezagutu behar dugu. Horretarako, udalak eta ikastetxeek azken bi urteotan egindako ikastaroen mailaketen zerrendak hartu ditugu eta horiek eguneratu.

Uztailak 16 udako igeriketa txandaren azken eguna denez, astelehenean, uztailaren 19an, Agorrosin Ekintza Gunea 2019-2020ko igeriketa ikasleen gurasoekin harremanetan jarriko da mezu elektroniko baten bidez, seme-alabaren maila zein den adierazteko eta egokitu zaion taldea jakinarazteko.

2019-2020 ikasturteko ikasleek esleitutako plaza berretsi ondoren, uztailaren 27an, asteartean, irekiko da ikasle berrientzako 2021-2022 igeriketa eskolako zozketan izena emateko epea.

Atzera

Agorrosin Ekintza Gunea
Boni Laskurain, 21
20570 Bergara
+34 943 777 095
Email: agorrosin@bergara.eus